上回講到Unsplash高清圖庫好洗好用，相信唔少人都變返孝子賢孫，提倡翻高清多圖既文化。今回我就想分享另一個高清圖庫比大家：Burst。Burst係Shopify推出既免費高清圖庫，提供多達16萬張素材，目的係提供多種類既圖片比唔同企業公司用。作為資金有限既freelancer，呢個圖庫真係可以幫你慳返一筆素材錢！
而Burst既介面非常清晰簡單，無需登入，一入到去已經可以搜尋想要既圖片。如果無咩諗法既話，可以去熱門分類度睇下，拎下靈感。
當你揀好一個分類之後，相關既圖片都會出現哂比你揀，全部都係高清大圖，唔洗擔心有144p既情況出現。揀啱之後就可以直接下載，無需標示圖片來源，過程方便快捷。
如果想留意住佢幾時有新圖，可以去首頁訂閱，只要提供email就得，絕對唔需要其他私人資料。訂閱後你就可以接收到最新既通知，隨時可以mon住所以高清新圖。
設計者們，係呢個樣樣都同金錢掛勾既年代，去外國網站買張圖，都真係無一百都要九十。而Burst就可以比你安心咁搵高清圖，幫我地慳返唔少宣傳錢。有左呢兩個免費高清圖庫，以後就無藉po字唔po圖啦！
