唔知呢道有冇攝影界嘅自己友呢!相信除左8月的英仙座流星雨外,其實每年也有很多值得影低嘅流星雨!唔知去之前你地會做啲咩準備呢~ 除左要有技術之外、天時地利都係好重要的!以下想提供幾個去影相之前必定要mark低嘅重點!自己友去之前可以用黎參考下!
1.選擇拍攝地點
想有更好嘅攝影效果,首先一定要搵一個開陽嘅地方。一般來講建議去郊區嘅地方,遠離城市同埋光污染就更加好!
2.用作移動嘅燈光
只係需要可以照到腳嘅前幾步就可以,所以微弱燈光嘅頭燈或者手電筒已經非常之足夠!因為本身眼睛係漆黑嘅環境都會放大瞳孔,如果有啲太強大嘅光線嘅話會令到眼睛唔舒服,影響視力效果!比較理想就係用紅光,咁就唔會因為突然有光/冇光而令眼睛唔識應。
3.鏡頭和光圈
影流星雨最好都係用廣角鏡頭,至少24mm,最好20mm或以下。唔少人亦都會選用魚眼鏡,呢一種鏡頭捕捉一大堆流星雨嘅機會會多啲!用無限遠對焦,光圈選最大光圈縮小0.5-1!咁樣作品出嚟就會比較清晰!
4.選擇合適的ISO、光圈、快門組合
如果根據平時嘅拍攝流,大家可以選擇以下呢個組合。當然都要透過實際情況去作出調整!
- 拍攝模式:手動 (M-Mode)
- 光圈:最大(例如 f/1.8, f/2.8等)
- ISO:用高一點,如ISO800、1600等,用來調整相片光暗
5.觀星禮儀
記住千祈唔好亂咁影相同埋用電筒!因為如果喺漆黑嘅環境入面,眼睛對於光線嘅敏感度極高。唔單止可能會整到其他攝影師嘅眼睛唔舒服,仲有可能會毁掉人哋嘅攝影作品!
6.小心財物
影流星雨嘅時候記得重要物品跟身!如果你留低咗自己嘅物品,喺黑暗嘅環境入面,就好難會搵得返!特別係非常之貴嘅攝影器材,最好就放係自己隨身攜帶嘅背囊入面!以防萬一。