中小企創業之初就梗係想以低成本製作高質素嘅產品啦，但唔識用設計軟件往往就令到一眾老闆好頭痛，等小編介紹呢個免費網站俾大家，減成本之餘仲可以做到超高質嘅產品包裝設計！
Artboard.studio 係一款線上mock up 設計工具，使用方法並唔難，非常適合設計新手使用，利用電郵或Facebook 注册後便可以開始使用，工具列位於左側，唔同icon都有唔同功能，依次排列分別為，新增包裝，背景，Market Place，範本圖片，文字，圖形，濾鏡，上傳設計。而右手邊嘅工作區域則用作修改或自訂設計。如文字工具，大家可以選擇使用網站嘅範本或係右手邊自訂設計。
事不宜遲即刻開始設計簡單嘅包裝設計！首先，新增包裝，選擇需要嘅包裝，雖然大部分包裝都需要升級方案才能使用，但升級方案並唔貴，只需每月USD$15蚊就可以使用所有範本及功能。選擇好包裝後，在右邊下方按“place your design”嘅按鈕，然後你就可以係新畫版中設計包裝外表了，你同樣可以使用範本，此處，小編就加咗一個木紋背景及文字範本，完成設計後按“save to upload“，回到包裝畫版就可以睇到包裝設計啦！
你仲可以加任何元素入畫版中，設計你所需嘅平面設計，post IG又得，落廣告都得，最後按 “Export your project”，完成！
