有無試過,喺個group度講既重要野,兩秒就俾啲無聊gif圖洗走左?有無試過,group msg永遠都係單機,自己說自己笑真是可憐?望住一堆藍剔既你,有無曾幾何時覺得Thanos其實真係存在,唔係點解個group永遠無人覆你?
想有好既teamwork,唔好再咁outdate用email,wtsapp啦,試下呢期公司最興用既Slack啦
。Slack係免費既團隊通訊平台,功能比起一般既通訊軟體更加齊全,而且只需要簡單既登記就隨時用得,相當方便。
建立多種頻道
首先,Slack可以建立多種頻道俾唔同既人交流,無論係多人既大型群組,私密既小群,甚至單對單msg都無問題。你可以隨時係頻道上同有關既人交流公事,分享文件,以後就唔洗每個task都要send個email通知咁麻煩啦。
多功能通訊
Slack擁有多項實用功能,最獨特既功能莫過於釘選功能。只要用家將重要留言釘選同加入備忘清單,該項訊息就會永遠出現係頻道中既留言版,頻道內既人絕對唔會miss左任何重要資訊。而且,用家重可以係訊息tag相關同事既名,咁大家就無得再卸膊啦。
其次就係搜尋功能,Slack可以幫你儲存最少一萬個訊息,用家可以搜索相關字眼,搵返過往既內容同對話。而且唔單止文字,就算係檔案都可以搵返出黎。以後就唔洗驚搵唔返開會或者討論過既內容啦。
所謂工欲善其事,不必發脾氣。要有好既溝通工具,先可以成就良好既團隊交流㗎嘛!有左Slack,就算無圖都有討論空間啦!