由法蘭西斯科．西里洛 (Francesco Cirillo) 所創立嘅「番茄鐘工作法」 ，原文係Pomodoro Technique，Pomodoro 在義大利文中為「番茄」~ 所以就有咗「番茄鐘工作法」啦！
佢一開頭係因為要準備考試，但係佢成日都專心唔到，搞到佢都好頭痕！不過有一日佢就發現廚房裡有一個「番茄鐘計時器」，佢用咗呢個時鐘之後，發現自己嘅專注能力提，高咗好多~個考試都輕鬆渡過左！
後尾佢就開始研究「番茄鐘工作法」同埋試驗呢一套時間管理法則~ 後尾再將呢個方法傳比其他人，沿用至今！根據以下六個步驟，輕鬆提供工作效率！
Step 1 設定任務
預先列出 To- do -list ，計劃好當日要做嘅清單，咁樣就可以有計劃地分配時間！
Step 2 設定番茄鐘
設定你的番茄鐘，即係你嘅工作時間！大部份都係設定為25 分鐘！而家大部份嘅人都係用普通嘅計時器，所以屋企冇蕃茄鐘嘅你都冇絕對冇問題！呢一個步驟嘅作用係計算下你每一個任務要用幾多個蕃茄鐘！
Step 3 專注做事
呢一個步驟係希望確保大家開始工作嘅時候就專心工作！可以將有機會影響工作嘅野放開一邊，例如喺電話等等！直至到你做完工作先至去做其他嘢！
Step 4 做記號
係25分鐘過去之後，無論你有冇完成嗰個工作，都要暫停！然後喺你個 To- do -list 嗰度做一個記號，去記錄低你有冇完成到呢個任務！
Step 5 短暫休息
完成咗step 4之後就可以休息5分鐘 ~ 而係呢5分鐘入面你可以自由分配！例如食嘢，玩手機，或者去洗手間等等！
Step 6 休息 15-30 分鐘
休息完之後，就可以重複上述step 1 – 5。以四個番茄鐘為一個小循環！循環左四次之後，你嘅工作應該都完成得七七八八，咁樣你就可以比自己休息一個比較長嘅時間，大約半個鐘左右！
如果覺得有趣嘅你哋都不妨可以試吓！可能真係可以令到你更加專注，工作起上嚟都更加有效率！
想了解更多關於作者，可以到他的 Linkedin。
