對於小型公司或細team黎講，有系統咁管理自己條team絕對係千古難題。管太嚴又驚做醜人，管太鬆又會縱容隊友互相卸膊，唔將工作放上心。唔通真係要做埋佢地老母既角色，日夜監住個工作進度？冷靜啲，跟住落黎介紹既trello一定幫到你。
Trello係一個免費既團隊工作管理software，內罝左多元實用既功能幫你管理隊員同工作。
工作分類
Trello提供唔同選項俾你將工作逐樣分類，你可以幫工作加上顏色，令工作清單一目了然。而且可以將所有工作分成「準備中」，「執行中」，同「已完成」，等所有人清楚邊啲工作尚未完成。
管理方便
你可以喺每個工作入面加入相關既資料同圖片，等每個人都收到有關既資訊。然後，你就可以set好工作deadline，再一個個加入有關既成員，逐個安排好工作內容，所有分工係Trello入面都非常清晰，白紙黑字，以後就無位再俾懶人卸膊啦。
工作進度清晰
係Trello入面，你可以隨時追蹤同事既工作進度。Trello設有圖顯示每個人既工作進度，邊個工作量過多，又或者進度跟唔上都可以睇到，到時就可以搵其他工作量少啲既同事幫佢，確保工作進度唔會被耽誤。
對於一啲想慳錢，又想有好teamwork既小型公司黎講，Trello係一個超級好用既管理工具，以後有咩都用trello分工，公平公正咁做野，唔洗再驚比同事打小人啦！
