有無試過做project做到掟爛滑鼠？又有無試過做完自己果part,先發現有豬隊友做錯左你果part？作為freelance團隊，好多時所有project既流程管理，都係自己一手包辦，無咩特定制度，一唔留神工作進度就走晒樣。而且無人監管下，自己或者隊友好可能會不自覺拉布，拖慢哂工作效率。為此，我決定介紹幾個工作管理軟件比大家，等各路freelance自己友可以改善工作效率。
Casual
Casual係一個將工作流程畫成flowchart既app,適合個人或者小團隊用。除左可以清楚見到哂project既次序同流程之外，仲可以顯示每個task之間既關係，例如A君未做完佢果部分，就會影響B君既工作。咁樣可以清晰顯示每個人既工作崗位，亦唔會出現重覆工作既情況。
Asana
Asana係非常熱門既個人兼團隊app，首先，佢介面清晰簡單，工作清單分成簡單既section同sublist，可以追蹤翻工作進度同內容。而且有inbox功能，可以同你既隊友隨時討論工作內容。而Asana最多可同時比15個人用，所以非常適合小型團隊使用。
Any.Do
Any.Do係全球擁有1500萬名用戶，而且支援電腦同電話裝罝，介面簡單，係唔少freelance自己友既必備app。首先佢擁有日歷記事功能，將事情按唔同性質排列好喺唔同日子上，例如重要性，緊急程度等。而且仲可以將工作分落唔同資料夾度，例如個人或團隊工作。做好既工作清單可以隨時分享比其他人，非常方便。而且，你set好工作之後，佢就會煩過你阿媽咁喺裝罝上係咁提你要做既野，包你唔會漏做任何野。
有左呢幾個工作管理神器，以後就唔洗再擔心工作落後於人啦。
