自己友長期都係屋企做嘢，每個月嘅電費都要交多啲呀！望住張電費單真係頭都大埋，大家係咪諗住開少啲冷氣就慳返啲錢呢~其實除咗冷氣之外，仲有好多電費殺手。以下幫大家整理左七樣消耗最多電嘅電器，即刻睇下！
第7名：洗衣機
洗衣機入面嘅洗滌模式對於電量有唔同嘅需求，其中「弱洗」比「強洗」模式更加食電！原來因為「弱洗」模式葉輪旋轉方向轉換的次數比較多，運作都需要多啲電量！所以「弱洗」模式比「強洗」模式更食電！
第六名 : 電飯煲
呢個電器會上榜真係估佢唔到！每一個鐘差唔多會消耗一度電，所以計返一年來講，佢消耗嘅電量都非常之多！
第五名 : 雪櫃
一年四季都要長開住嘅雪櫃絕對都係電費殺手之一！諗起都覺得個荷包有啲肉赤！
第四名 : 熱水壺
千祈唔好睇小水壺！佢嘅用電量仲誇張過一個雪櫃，真係有少少俾佢嚇親！因為佢會keep住自動翻滾，所以一日都用咗唔少嘅電量！
第三名 : 電視機頂盒
電視機頂盒都係一個要二十四小時運行嘅電器，所以佢都會消耗一定嘅電量！小數怕長計，唔用嘅時候記得熄咗佢！
第二名 : 冷氣
夏天真係冇咗冷氣唔得，所以都接近要開足一日！雖然開冷氣真係好嘥電，不過你都要留意吓屋企嗰啲會唔會係好舊嘅冷氣！如果係嘅話會更加chur電！
第一名 : 熱水爐
真係估唔到第一名竟然係熱水爐，平均開一日都要20度電！絕對係電器中嘅chur電第一名！所以平時都唔開嘅話，記得要熄咗佢！
