自律呢回事，除左自我控制能力之外，仲需要工具既配合先可以成功。好似我呢種專注力差既人，就算喺電腦設定好哂計時，set好哂目標都好，但一拎起電話查野就忘記左自己本身要做既事，隻衰手又習慣性咁碌完FB又碌IG。就喺我俾積落黎既工作chur死既時候，我朋友叫我試下用Toggl，話佢就好似管家一樣，可以時時刻刻提你做野，包無甩漏喎。
咁當下我就梗係得啖笑咁去睇下咩料啦，點知Toggl原來係雲端式既計時器黎，可以喺電腦、手機同webpage同步使用。姐係話，就算你用用下電腦想話換手機查野，手機依然會繼續顯示你設定好既計時，提醒你個task仲未完成。
聽到呢度就知Toggl唔係省油既燈，但介面都係我好concern既問題，嗰啲複雜又多字既介面我就一定不了。但我用落先發現佢既介面真係清晰簡單，而基本上「Timer」、「Dashboard」、「Project」呢三個功能已經夠你玩。
Timer顧名思義，用黎計算每日既時間同任務，你可以set個time range比自己做野，作用就好似蕃茄鍾咁。亦可以計下你既工作平均每日要用幾多時間做。而Dashboard就用黎計算你每日用左幾多時間做野，記錄下你有無偷懶。最後Project就可以建立你既任務，等你唔會漏做任可task。
老老豆豆，自從用左Toggl之後，無論我用緊手機定電腦，食飯屙屎都比佢提住我要做野，工作效率真係提升左，而且無以前咁甩漏。反正又唔洗錢，點解唔比個機會試下用呢？
