各位自己友經常要好多客仔溝通,Whatsapp Business 有對話分類功能,方便大家將唔同聯絡人分門別類,唔使次次都嘥時間慢慢搵,令大家做嘢更加有效率,即刻睇吓點用啦!
Whatsapp Business有「標籤」功能,比大家用嚟將聯絡人分類,例如將同一個Project嘅負責人 group埋做同一隻色,想搵返相關負責人嘅對話就更加容易,有咩資料要搵返都更加方便,可以提升溝通嘅效率。依家大家最多可建立 20 個標籤,同一時間要跟20單JOB都無問題㗎!
另一個功能係將相同類型的聯絡人set做同一個群組,當大家想一次過向佢哋發放資訊嘅時候,只需要send 一次就通知到全部人,令大家工作更加有效率。仲可以按客戶的特點同埋需求分類,例如新客、舊客、潛在客人,更加有策略地發佈優惠資訊。最後仲可以睇埋對方收到或者睇到訊息未,從而計算顧客觸及率和轉化率,方便之後調整營銷方法及內容。