今時今日，無論係賣廣告定做生意，都一定要配返張搶眼既宣傳圖，你唔係仲以為純文字仲可以喺呢個世代立足掛？但要整一張似樣既設計圖，對於唔識用photoshop，又無budget搵人整既新手，可以試下用Canva呢個一站式設計工具，只需要三個步驟，就可以整到一張完美banner!
首先，就梗係要揀你想整咩類型既設計啦。Canva提供30幾種網上常用既模版，包含facebook, twitter，海報，卡片，包你整出黎一定啱尺寸。揀完版型，用家就會正式進入編輯模式啦！
之後就可以揀layout啦，多圖少圖定圖文並茂，通通都有得你揀，而且重可以隨意加插圖片。除左Canva本身已經提供大量素材之外，你仲可以上載自己既私人相用黎做素材。而且仲有大量貼圖提供，包括圖表等等，真係你想點整就點整。最後加埋文字，轉一轉個字型，一張屬於你自己既設計就搞掂左啦。
最後既完成品，你可以即時分享係Facebook/Twitter，或者即時下載都得。不過有幾點要注意翻，Canva有部分素材係要收費，每一樣都只係$1美金。所謂平有平做貴有貴做，$1換黎理想中既設計，大佬呀，係出面野飲店買杯黑糖東江屎水都唔只啦，我就覺得抵到爛喇。
心動就不如行動啦，與其比錢出面既人設計，不如試下自己diy，真係又平又抵hi。
