自己友成日要用電腦做嘢，但Mac容量就爆搞到部機好慢，又save唔到重要嘅文件或者design，搞到好頭痛。今次教大家釋出電腦儲存空間用量嘅方法，提升電腦速度，做嘢都快手啲啦！
1.睇返部機嘅剩餘空間：喺桌面選擇左上角蘋果logo，點選「關於此Mac」。
2.點選「儲存空間」的選項，等佢load一陣，就睇到各類型嘅檔案分別佔咗幾多，可以㩒「管理」進一步清理電腦儲存用量。
3.將所有檔案同相儲存喺iCloud，一方面可以釋出電腦儲存空間用量，另一方面仲可以避免啲檔案唔見咗。大家可以揀將邊啲檔案back up喺iCloud，例如桌面和文件、相片、訊息等。
4.點選「最佳化儲存空間」選項，呢個功能可以自動由Mac上移除已經睇咗嘅片同電視節目，下次要睇再download，避免佢哋佔太多空間。
5.點選「自動清空垃圾桶」選項，一次過清返走唔要嘅垃圾桶檔案，唔使自己慢慢del。
6.點選「避免雜亂」選項，跟住視窗畫面會跳到「文件」列表，文件就會依檔案大小排列，大家可以選取要del唔要嘅舊文件。
7.點選「下載項目」嘅檔案，移除唔再用到的檔案或文件。
