講起畫畫，大家第一時間會諗起喺畫紙或者用電腦畫，但呢位畫家「randahaddadin」，就用自己修長美腿畫畫，將作品呈現喺大腿上，作品有花、建築物、貓等，喺大腿上畫畫都有好多變化。
Randa 本身係一位建築師，做咗10年之後，就將重心投入畫畫。畫喺大腿上嘅感覺同畫喺紙上嘅感覺唔同，同埋沖涼就會洗走作品，唔會好似紋身咁留喺身上，令作品嘅變化可以有更多，同埋更加珍貴，創作都有極大自由。
Randa都會喺褲上畫畫，褲上會有世界獨一無二嘅圖案，一樣好特別。除咗喺大腿畫畫之外，仲有喺牆壁上畫各式各樣想法嘅作品，真係好靚啊！
圖片來源：randahaddadin@IG
