上篇講完蕃茄鐘工作法既好處,今次就集中講解下唔同既免費「蕃茄鐘」。蕃茄鐘絕對係呢個工作法既關鍵,除左計時之外,網上既蕃茄鐘更加提供埋各式各樣既功能輔助你工作。
Focus Booster
Focus Booster係最基礎既電腦版蕃茄鐘,可以同時支援Windows版、Mac版同網頁版。好處係介面清晰簡單,而且開始計時後會變成小方格置頂,令你可以邊工作邊睇時間,非常方便。
Tomatos.es
呢個蕃茄鐘只要用twitter帳號登入就用到,除左計時功能之外,佢最大既特點就係會記錄低你每次用蕃茄鐘既時間,令你每日都可以檢查返自己用左幾多時間黎工作。
手機版蕃茄鐘
Android既朋友可以試下用「發條蕃茄鐘」,除左介面清晰外,佢仲設有響鬧功能去提醒你。而且同樣會記錄低你既工作記錄。而且都可以避免自己開電腦分心。而ios既朋友,就可以試下用「30/30」,功能都同上面提及既大同小異,享用計時同記錄功能。
Pomodorium
呢個都算係究極版蕃茄鐘,居然可以集合rpg game同計時元素,完全係鼓勵貪玩既人用呢個工作法,用家所玩既角色,係需要你既蕃茄鐘記錄黎升lv。換言之,你工作既時間越長,你既角色就升得越快。而隨住角色成長,你就可以解鎖地圖過關打怪。對於用家黎講絕對係一個無限動力去工作。
睇到呢度,唔好再比籍口自己拉布啦,好好分配工作時間,提升自己既專注力啦!