嚟到八月尾九月，又係果粉期待新iPhone嘅時候，因為按照慣例，蘋果好大機會會喺黎緊9月既新品發佈會發表新一代iPhone，呢排亦都有唔少有關Apple iPhone 13既消息同傳聞，自己友係時候做定功課，諗定要新機定係keep住個腎喇。Touch ID 回歸
（示意圖，取自CNET）
iPhone 過去的發展，由密碼鎖到 Touch ID 再到 Face ID，用起上黎本身都算係愈黎愈方便，世估唔到一個疫情打到嚟，個個要戴口罩，Face ID 就咁廢左武功，基本上出街用 iPhone 都變左焗住要㩒密碼，呢個時候大家忽然發現原來 Touch ID 先係王道。傳聞 iPhone 13 會有返 Touch ID，就算戴住口罩都可以一按解鎖，喺疫情未見盡頭的日子，真係好難唔心動。夢幻八色登場
（[email protected]_Tomorrow）
（[email protected]_Tomorrow）
雖然好多人用 iPhone 都係長期笠住個手機殼好好保護，但每次蘋果出新 iPhone，大家又會好在意有咩新顏色。傳聞 iPhone 13 出足八隻新色，包括玫瑰粉、湖水綠、日落金、玫瑰金、夢幻紫、熱情紅、珍珠白、啞光黑，辛苦晒有選擇困難症既自己友。
（蘋果滙）
（蘋果滙）「劉海」減少
（[email protected]）
關於新機嘅外觀，除左顏色，「瀏海」部分都係大家關注嘅地方。今次就有傳「瀏海」部分會縮細變窄，主要係因為用於 Face ID 嘅 VCSEL 晶片體積大幅縮細，同時頂部既前置鏡頭、聽筒、揚聲器等亦有傳會一併向上移。
索價萬八
傳聞 iPhone 13 仲會有各方面功能同硬件嘅升級，例如相機鏡頭、更快嘅5G等等，咁一分錢一分貨，自然價格都跟住一齊「升級」啦。有傳新 iPhone 價錢會升到上港幣萬八蚊，唔知各位自己友個腎追唔追得上呢個價格升幅呢。
