今時今日，IG 已經成為左我地生活中不可或缺既一環。所謂飯可以唔食，女可以唔溝，IG 真係唔可以唔上。而唔少人已經運用 IG 作為商業用途，例如開網店、做網媒等等。而要管理一個 IG，所花既心力絕對大於係想象。而 Planoly 就係其中一個 IG 管理既好幫手。
輕鬆排版
將Planoly同IG綁定之後，IG內既相片就會出現喺Planoly度。你可以隨時將相片重新排序，去營造獨特既IG layout。而且佢仲會提供四宮格，六宮格或者九宮格既大圖裁剪方式你揀，要整特別既多格大圖完全無難度。
自動更新IG
每個當紅既IG，都會有一定既更新時間，保持住IG既人氣。有時唔得閒更新既話，可以係Planoly set定更新你既發文排程，set低需要更新既圖片，內容，hashtag同更新時間，夠鐘Planoly就會自動幫你upload，再唔洗驚忘記upload既事件發生。
數據分析
Planoly會記錄底你每周既followers同like數，等你可以了解每個星期既IG變化同進度，有無流失粉絲等等。每個星期就可以利用數據，檢討自己ig要改進既地方。
要喺IG呢個平台立足，建立自己既IG風格，唔好猶豫啦，睇完快啲跟手down返個app整靚個IG啦！
