相信各位自己友都係IG重度用家，日常生活或者接Job開網店都離唔開IG，其中限時動態（IG story） 向上滑動 （“swipe up”）連結去其他網站呢個功能，大家應該都已經好熟悉。Instagram近日宣布，限時動態中向上滑動 （“swipe up”）連結功能將會停用，想入link可以改用新嘅「連結貼圖」（linking sticker）。
IG喺今個夏季已經進行「連結貼圖」嘅小規模測試。IG企業產品總監Vishal Shah指出，連結貼圖更適合用家用限時動態（IG story）嘅習慣，連結貼圖就像投票、選擇題等貼圖一樣，可以調整大小和位置，用家可以發揮創意將連結融入限時動態中。現時IG限時動態嘅向上滑動連結功能，只開放俾粉絲數達到一萬人以上的帳戶，咁連結貼圖呢？Instagram官方就話，嚟緊呢個連結貼圖功能，都只係開放俾本身已經可以「向上滑動」嘅帳戶，但佢地亦都話考慮緊俾更多人用到呢個功能，咁講嘅話，將來IG可能未必一定要儲夠一萬個followers先可以喺Story入link喇。
