而家乜都講機械化，人工智能已經可以取代市面上大部份嘅工作~ 唔通freelancer都要同AI爭野做？最近有人力資源公司進行調查，佢哋發現近500個工作職務入面，有7個慢慢喺度消失！即刻睇吓係邊七個職業！
1.電話及電報機裝修工
呢一個行業嘅減幅比例最高，達到負81.3%！全年只係會請一個人，唔知邊個咁好彩呢~
2.珠心算老師
完全估唔到第二名竟然係珠心算老師，減幅達負67.7%。喺小編細個嗰個年代個個人基本上都有學珠心算！可能而家啲細路細細個已經可以用電話計數，所以珠心算都唔使學！
3.電台主持人
電台主持人排名第三，減幅也高達負65.8％！
可能因為而家真係冇乜人會聽電台，所以呢一個行業都消失得比較快！
4.家庭代工
以前個年代成日都會有freelancer 接job返屋企做~ 例如係穿珠仔或者癡膠花！但係而家已經冇呢支歌仔唱喇，用機械嘅成本分分鐘仲低過請一個人！所以呢一個行業嘅減幅都高達47.2%。
5.手工打版師
而家基本上都係電子化，手工打版師已經買少見少~ 減幅負都有31.6%。
6.派報生
而家打開手機已經可以睇到電子新聞，所以會拎住實體報紙嘅人已經大大減少左！從而派報紙呢一個行業都萎縮左29.4%！
7.林木伐運
依家就算運貨都可以完全靠機器完成，需要嘅人手真係少咗好多！所以令到呢一方面嘅工作都減少左18.2% ！
