平時自己友咁多email要覆,一個唔小心send錯email比客仔點算好?Gmail有內置嘅取消傳送功能,只要喺指定時間內㩒取消,一切都救得返!即刻學吓點用啦!
send 出email之後,大家會喺左下角見到「已傳送郵件」,呢個時候發現send錯email,或者email入面嘅內容未打齊,可以即刻㩒「取消傳送」 。如果想confirm多次email入面嘅內容有冇錯,就可以㩒 「檢視郵件」 睇返內容。
不過Gmail嘅取消傳送功能預設只有5秒,驚5秒反應唔切,就可以較成最多30秒,send完email都有多少少時間諗清楚,避免尷尬情況出現。
首先㩒一下右上方的「設定」圖示,再㩒「查看所有設定」。
再喺「取消傳送」旁的「取消傳送期限」,選擇 5、10、20 或 30 秒,就搞掂啦!