自己友接JOB有好多file要save,save喺hard disk出門又要帶多樣嘢,想更加輕便隨時隨地搵到想要嘅file,就要善用雲端功能啦!除咗為人所知嘅Google drive之外,今次為大家整理咗5個抵用嘅雲端儲存空間,快啲睇吓邊樣最啱你啦!
iDrive嘅服務係付費Plan之中最抵用,速度快而且採用256位元AES加密安全性高,價格又合理,依家仲做緊優惠,5TB容量,每年只係59.62美元,仲有10TB 嘅plan可以揀,不過佢嘅服務暫時只有英文、法文、德文及西班牙文。
pCloud就有中文嘅版面啦!同樣主打安全性高、易用嘅瑞士公司pCloud,plan選擇就少啲,價錢由49.99歐元起,只有500GB同2TB嘅選擇,有好多file要save嘅自己友就未必夠用。除咗每年比錢之外,仲有終身方案揀,一次過比175歐元,就有得任用500GB啦!
zoolz有最多唔同容量可以揀,由1TB至50TB都有,仲可以揀係每月定係每年比錢,價錢由9.99美元起。大家可以因應個人需要去買,唔怕買得太多用唔晒,呢個雲端仲有內置分類PDF文件、影片、圖片、
電子書等,save咗啲咩一眼睇晒啦!
如果你本身有需要用Word、Excel 與 PowerPoint等嘅microsoft嘅軟件,就最推介大家用OneDrive,因為大家只需比每月港幣58元嘅價錢,就用到所有microsoft嘅軟件,再附送1TB OneDrive容量。桌面電腦、手提電腦、平板電腦和手機都用到,支援Windows、macOS、iOS 及 Android嘅系統。
如果自己友要同客仔share照片或影片可以用Mega,就算對方無MEGA帳號都一樣睇到。免費版都送你20GB容量,付費Plan就由400GB至16TB都有,每月港幣49.95起。除咗可以save file,仲有內置聊天工具,打字、打電話或者視像通話都得,方便工作上嘅溝通。