前幾日進行嘅蘋果發佈會推出咗好多新產品!相信唔少蘋果迷已經有心水,但係今次都為大家整理左四件Apple 嘅新產品!有興趣嘅記得睇埋落去~
1. iPad 9
今次推出嘅IPad第九代外形上同舊嘅型號相比冇乜太大分別,仍然有保留Touch ID。不過就轉用左2019 年 iPhone 11 上面用到的 A13 Bionic 處理器。價錢方面iPad 9 嘅定價非常之親民,Wi-Fi 型號售價由 HK$2,599 起,而 Wi-Fi + 流動網絡型號售價則由 HK$3,599 起。仲有得揀銀色或者太空灰外,即日起接受訂購,並於 9 月 24 日 (星期五) 發售。
2.iPad mini 6
今次的第 6 代 iPad mini 採用全新的設計~ 唔單止用咗黎自 iPhone 12 的平整金屬邊框設計,仲同時將屏幕換左做 iPad Pro 的窄邊框!主打可以單手操控,而且仲內置 A15 Bionic 等最新的硬件功能。定價方面,Wi-Fi 型號售價由 HK$3,999 起;Wi-Fi + 流動網絡型號售價由 HK$5,199 起。
3.Apple Watch Series 7
Apple Watch Series 7 相信都係各位蘋果迷最期待嘅產品之一!雖然今次嘅外型同埋功能都同上一代冇乜太大分別,但係都有將邊框位收窄至 1.7mm,加大了的屏幕仲可以比上代顯示多 50% 的文字。不過Apple Watch Series 7 的正式發售日期未定,只有一個「秋季上市」的大概日期,而香港售價方面亦暫時未公開,所以各位可能要再等吓官方資料!
4.iPhone 13 系列
當然今次嘅重點絕對係iPhone 13,外形上同上一代冇乜太大分別,不過就將上代的粉綠色改成了粉紅色機身。鏡頭嘅擺位都改成左對對角排列,唔知咁樣嘅設計你哋鍾唔鍾意呢!今次Apple 仲新增左叫Cinematic Mode 嘅影片拍攝模式~可以營造更多唔同嘅效果,甚至在拍攝影片之後改變對焦點!iPhone 13 Pro 及 Pro Max,仲會支援了微距拍攝模式,就算係2cm 位置拍攝都可以影出極度高清的影像!