身為蘋果死忠,iOS系統已經離唔開我地既生活。而 iOS 內置既備忘錄功能,想信好多人日常記野都會用到。可惜佢既功能實在太簡陋,jot 完既筆記難以整理,最後成堆筆記亂七八糟。而 Bear 就係專為果粉而設既筆記 app,只適用於 iOS系統,但就非常實用,而且仲係免費 app。
分類清晰
Bear非常擅長將唔同既筆記分類,或者整理成待辦清單。用家輸入好要做既行程後,可以隨時調動筆記既先後次序,你可以隨意改變行程。而且你仲可以喺唔同既筆記上加上hashtag,Bear會自動將筆記用hashtag分類,到時只要搜尋返相關既hashtags就可以搵返想要既筆記。
記事連結功能
除左記事之外,用家重可以加入超連結,插入另外既筆記入去。只要輸入「[[」,就可以插入其他筆記既超連結,用家可以利用呢個功能,幫筆記整成目錄,或者排成清單分享出去。
裝置同步
升級版既bear pro,可以做到裝置同步既雲端功能。用家可以係Macbook同iPhone等同步更新資訊,非常方便。而升級既價錢為一個月$40,一年就$470。老實說,價錢一啲都唔貴,相對為生活帶黎既方便,性價比非常高。
iOS既死忠們,買得蘋果就梗係用盡佢既專有app啦,快啲down返個免費版試下啦!