上回就講到用 Bear 整理筆記，但用緊 android 既自己友又有咩選擇呢？唔洗擔心，你可以試下實用而且免費既 app – Evernote。Evernote 係一個整理筆記、行程既 app，有左佢，你既生活都一樣可以變得井井有條。
分類簡單
Evernote其中既賣點，就係分類同搜尋功能。你所輸入既分類，會形成樹狀標籤，係app既左面顯示出黎。每次打開就可以一目了然，一眼睇哂你已經整理好既note。而且Evernote擁有強大既搜索功能，即使係變成pdf檔既文字，佢都可以搜索到出黎，無論幾亂既note都可以輕易搵到。
雲端功能
Jot note既時候，最怕電腦一黑，辛辛苦苦整理好既野無哂，真係慘過食兩舊屎。但用 Evernote就唔洗擔心呢個問題，因為你更新既內容會喺雲端同步更新，無論用咩裝置都可以搵返你既note出黎。
價錢便宜
免費版既Evernote在功能上會有少少限制，例如無得同時喺三個裝置上同步，每個月upload 唔可以大過60mb等，可能會做成唔方便。有需要既話可以選擇升級到Evernote Plus或者『Premium去解鎖更多功能，費用大概就USD $3.99至USD $7.99一個月。
得罪講句，身為一個全能既freelance自己友，又點可以慳埋啲縮數而唔整理好自己既行程同生活？所謂小財唔出大財唔入，花少少錢就享受到企企理理既生活，why not?
