自己友重投求職市場嘅最後階段,必然係談論薪酬待遇,好多人講價都會拋下話另一offer提出嘅人工高啲去講價。但呢招未必再奏效了,事關科技巨頭Google近日話要俾到證明先有得傾!
外國雜誌《Business Insider》報道國際科技巨頭Google近日有項新招募政策,就係求職者如果想以「另一工作機會薪酬更優渥」而要求Google提高招聘薪金,就必須提供相關文件或截圖證明,證明佢地真係有offer,先有得討論新嘅薪酬方案。
以往呢項規定都係適用喺管理層或職級較高人員,但依家開始就應用喺一般技術人員,因為佢哋轉行越來越密,所以好難掌握真實行情。各位自己友不論搵香港定外國嘅工都要注意喇~