無論你哋係寫開文嘅自己友、學生哥、又或者係打工仔都一定要用word !但係整理好一份文件都唔係咁易㗎,以下同大家分享幾個小方法,輕鬆可以執靚仔你嘅文件!
一份文章最緊要就係個標題!首先可以將個標題放喺中間,咁樣嘅話成個感覺已經整齊好多!
跟住就可以去版面配置嘅頁面,揀一個適合你文章嘅長度同埋闊度,一般來講可以選擇標準配置。
下一步你就可以去返常用嘅頁面,揀選字同字之間嘅距離。如果係要交俾老師或者上頭審批嘅話,建議可以將字距校到去2.0,咁樣就會睇得舒服啲!
仲可以禁埋行距選項,去調整段與段的距離。
咁樣就可以睇到藍色箭嘴嘅行距係1.0而紅色箭嘴嘅行距係2.0。
最後如果想突顯個標題,可以去常用頁面,字體大細隔離嗰個大A字度調教。