自己友成日要喺屋企做嘢,好易堆埋堆埋好多雜物,今次介紹5款無印收納好物,等大家可以執好啲雜物,做嘢都有效率啲啦!
想執好啲衫褲同埋文具嘅話,可以留意「棉麻聚酯收納系列」,有好多款唔同size可以揀,比大家按自己需要配搭,防止啲物件有塵。
櫃桶好亂搵文具要搵好耐?「PP抽屜整理盒系列」有4個款可以揀,因應櫃桶大細自己組合都得,一拉開櫃桶就搵到想要嘅嘢。
執好咗櫃桶當然唔少得枱面,「聚丙烯檔案盒用小物收納盒」、「聚丙烯檔案盒」同埋「PP手提收納盒 」可以配搭埋一齊用,騰空更多枱面嘅空間。
除咗喺屋企做嘢,有時都要出去做嘢,呢個時候就可以用「聚酯纖維吊掛盒型收納包」,一早執好要用嘅物品,一般化妝水大小的瓶罐都裝到,要用嗰陣一拎就行得!
仲有啲飾物都想執得整齊啲嘅話,就要買埋「壓克力收納盒」、「壓克力小物收納盒」同埋「壓克力項鍊耳環收納架」啦,抽屜式、掀蓋式、開放式樣樣有齊,透明嘅設計方便大家一睇望到晒。