【 Disney+原創劇集、星戰、Marvel、Pixar、BLACKPINK】 11月6號 Disney + 就正式登陸香港啦！呢個頻道有齊晒迪士尼、彼思動畫、Marvel電影、星球大戰系列、國家地理紀錄片National Geographic Channel同埋STAR等嘅6大頻道！當然仲有唔少嘅原創影片啦，聽落係咪好吸引呢，如果仲係心大心細唔知買唔買好嘅 ~ 不妨睇吓以下2021，2022 年10套必睇嘅劇集推薦先！
1. 雪降花
相信有睇開BLACKPINK嘅朋友仔都一定知道呢一套劇係由金智秀（Jisoo）同埋丁海寅主演嘅新劇集！由開拍已經大受歡迎，唔少粉絲都表示好期待！呢一套劇集仲係《天空之城》的導演趙賢卓和編劇柳賢美精心打造架~ 絕對有品質保證！
2. BLACKPINK: The Movie
第二套想介紹嘅紀錄片都係關於BLACKPINK！《BLACKPINK: The Movie》係為左慶祝BLACKPINK 成立五週年而特別製作嘅電影 ！入面有好多獨家嘅表演同埋訪問！韓流粉絲必睇！
3. Moving
呢一套劇集係由趙寅成同埋韓孝周主演的Disney+ Star原創電影《Moving》係改編自韓國網路漫畫家姜草的人氣作品！原著喺網上累積超過2億的點閱數 有留意開韓國漫畫嘅人都一定有睇過！
4. 洛基
《洛基》係Marvel 嘅超人氣角色！年中係美國首播，即刻成為咗係Disney+平台上面最多用戶睇首播的劇集！相信佢喺香港都會再掀起一系列嘅熱潮~
5. Ms. Marvel
今次Iman Vellani將會飾演的Ms. Marvel！角色設定佢本身是異人族嘅後裔~ 之後佢仲激發左可以改變自身外型和大小的超能力！聽落都好似好刺激！
6. She-Hulk
She-Hulk係The Hulk嘅表妹，係一次意外入面失血過多，所以俾人輸送左受感染的血液！之後仲無啦啦有埋怪力同埋綠色嘅皮膚，想知後續如何到時記得睇啦！
7.Baymax
一講起迪士尼，大家第一印象都一定係公主電影~ 但係其實除咗公主之外都有其他好可愛嘅角色㗎！例如《大英雄聯盟》嘅Baymax遲啲都會亦將推出劇集~ 胖嘟嘟白雪雪，真係超級可愛！
8.反斗車王
Pixar出年暫定亦會推出一套用《反斗車王》做主題嘅卡通劇集！但係主角係邊個？咁就要等到上映先知啦！
9.Happier Than Ever : 給洛杉磯的情書
講起Billie Eilish，我諗大家都係會即時諗起佢風格特別嘅歌曲~ 佢今年都會推出演唱會電影 《 Happier Than Ever : 給洛杉磯的情書。俾大家可以更了解佢嘅內心世界！
10. 《Shipwreck Hunters Australia》
呢一個係Disney+ 製作的澳洲紀錄片！記述發生係西澳廣闊海岸線的著名船難之謎~ 想了解吓嘅不妨去睇吓。
