新一年想做嘢順利啲,執靚張枱一定唔少得啦!除咗方便自己做嘢之外,原來都仲有啲風水小技巧,可以幫大家做嘢順利啲㗎!
1.電話放左邊
風水學來講左邊係龍邊,右邊係虎邊,枱面左邊最好就放電話、Fax機、電腦主機等簡單嘅物品,唔好太過混亂先至有空間增長發揮。右邊就放文件、書、合約等,新一年做嘢就會順利啲啦!
2.電腦Wallpaper 揀風景相
除咗左右之外,前後都好重要,風水來講有「前朱雀、後玄武」嘅講法,經常放喺你面前嘅電腦最好就簡章充滿希望嘅靚景相,對於你嘅工作前景會有正面幫助,平時做嘢睇到咁靚嘅風景心情都好。枱面都係越寬闊越好,代表前程發展得好,如果張枱真係冇辦法咁大嘅話,都要keep住乾乾淨淨、唔好太混亂。
3.做嘢如果有靠山都順利啲
靠山就成日聽得多,風水來講如果你背後有幅牆,就代表有靠山啦!盡量避開樓梯、窗、進出大門等地方,當你好專心咁做嘢嗰陣,經常有人喺後面行嚟行去都好容易令你分心。
4.小心「樑煞」
望望你個位上面有冇「樑柱」同「管線」,有嘅話就要注意啦,長時間喺呢個位置做嘢會容易出錯、思緒混亂不清,可以擺水晶柱喺個位度化解煞氣。
5.避免擺放仙人掌喺枱面
擺棵植物喺枱面的確可以令人精神啲,大家可以揀開運竹、金錢書、發財樹我喺左手邊,不過就唔好揀仙人掌。雖然仙人掌容易照顧,不過都好容易將貴人刺走。