2022年想交貨比客仔嘅時候一take過,就要學番幾個最新嘅設計趨勢傍身啦!今次教大家五個最吸引嘅廣告設計方法,等大家短時間之內吸引到對方眼球啦!
Memes
Memes圖好容易入腦,一眼就望到晒有咩內容,好多牌子都會用時下流行嘅memes圖吸引大家目光,提高個post嘅娛樂性,仲可以根據最近流行嘅話題去整圖,提升觀眾嘅共鳴感!
字體變形
講到字體變形嘅sample,大家一定見過呢張圖,打破字體嘅框架,唔再係常規嘅形狀、大細同顏色,提升文字嘅吸引力!
Serifs字體
design嘅時候諗唔到用咩字體好,都可以考慮用最近大受歡迎嘅Serifs字體,簡單得來又帶俾人安全、專業嘅感覺,可以提升品牌嘅可信度。
極簡主義
相比起複雜、鮮艷嘅設計,有時簡單乾淨嘅設計更加能夠快而準傳遞訊息,適當地運用簡單嘅黑色、白色、灰色做設計,文字同圖片留番啲空間,唔需要將內容全部排到滿,一樣可以清楚向對方傳遞你嘅訊息。
NFT即係Non-fungible token,目的係確保獨特性,透過虛擬數字融合設計同埋3D技術,提高你作品嘅吸引力同埋令你嘅作品與眾不同。