大家最近有冇發現經常喺Facebook、Instagram見到呢啲格仔呢?到底係咩意思,原來同一個猜謎遊戲Wordle有關。如果仲未知道點玩,就要快啲學吓!
呢個遊戲係有一個美國嘅軟件工程師Josh Wardle研發出嚟,喺上年11月推出嘅時候只係得90個人玩,過咗兩個月每日就有超過30萬人玩,原因係遊戲玩法簡單有趣、容易上手但又好有挑戰性,仲可以比大家喺網上分享自己嘅成績,同朋友挑機都得啊!
呢個遊戲每日都會提供一個以五個英文字母組成嘅生字,大家有六次估嘅機會。灰色代表嗰個字唔係今日嘅答案入面,黃色代表雖然個字母中咗但位置唔啱,綠色就代表有嗰個字母而且位置擺啱啦!