近期 Instagram 所公布嘅「2022 Instagram 趨勢」講述左係疫情之下嘅十大熱門話題~ 即刻睇吓有啲咩話題!
1. 時尚
依家啲後生仔都好勇於嘗試唔同類型嘅衣着,係IG上面都不時會見到有人分享佢哋嘅OOTD!哥特式,黑暗學院風等等都有可能係今年嘅大趨勢!
2. 購物
因為疫情嘅影響,網上購物依然係今年嘅大趨勢!而家嘅後生仔除咗喺唔同嘅網站買嘢之外,網上二手商店,中古店等等都非常之受歡迎!
3.音樂&舞蹈
而家嘅社交網站都係一個好好嘅平台比後生仔分享佢哋嘅音樂同埋舞蹈表演~ 有唔少IG Account都係分享一啲唱歌或者跳舞嘅cover,都非常之受歡迎!
4.KOL
依家啲KOL影響力仲大過明星,所以唔少品牌都有喺IG搵KOL賣廣告~
5.職涯與教育
依家啲後生仔未必個個都嚮往九至五嘅穩定工作,反而做freelancer都好受後生歡迎!
6.食物
喺疫情之下我諗好多人都多咗留喺屋企,自然就多咗喺屋企煮嘢食,所以有好多後生仔都做左foodie!
7.健康
疫情之下健康都係一個大趨勢,無論係生理或者心理上面嘅健康都值得好好咁保養~
8.遊戲
疫情帶動左遊戲業嘅發展,唔少後生一代都多咗打機嘅習慣!無論係Switch、PS5甚至VR都非常之受歡迎!
9.meme
近呢幾年梗圖都非常之流行,而最近比較受歡迎嘅topic就係NFT、虛擬貨幣同埋星座等等!
10.社會議題
年輕一代越嚟越關心社會上面嘅問題,喺IG上面都會follow唔少有關嘅帳號~