唔少開左公司既自己友都話過,幫公司開戶口重難過拎波叔果四千蚊。過程如同過五關斬六將,文件少份唔得,信用唔夠又話唔得。究竟要成功申請一個戶口,又有咩秘訣呢?
1.基本程序
公司負責人開設戶口既時候,需要準備好「公司章程」,「商業登記」同「公司註冊證明」副本比銀行職員查冊。查冊大概兩日至一星期內完成,視乎唔同銀行而定,費用約$120,亦係根據唔同銀行而有少許不同。
2.行政費
部分銀行可能會要求客戶交「查冊費」或行政費,費用甚至高達二千蚊,但又唔代表申請一定成功。所以記得要問清楚收費準則,以免支出過大。
而「商業登記」及「公司註冊證明」文件都係重要一環。例如在「商業登記」中,公司「業務性質」(NATURE OF BUSINESS) 標示為「CORP」,就可能會以客戶公司業務不清晰為由而被拒絕審理。
甚至有創辦人因為未有辦公室,用自己居所作為「商業登記」的工作地址,呢種情況銀行都有權拒絕受理。
3.業務往來
銀行亦需要了解你既公司同客群,證明公司係有實質既業務,唔係空殼公司。你可以搵有穩定業務既公司幫手,又或者聯絡有關既商業銀行職員打人情牌幫你通過申請。如果無相關人脈既話,都可以向潛在客戶遞交公司既計劃書,作為公司有實質運作既證據。
4.如果你都係對遞交文件上有唔清晰嘅地方,你可以按下列項目去執,以防萬一。
– 商業登記證 (BR) 和公司註冊證書 (CI) (有限公司)
– 商業登記證 (BR) 和 商業登記冊內資料摘錄(FORM 1(a)/FORM 1(c)) 的核證本(無限公司)
– 近期財務報告(如有)
– 公司組織架構
– 關於業務的合約證明文件
– 產品資料(如有)
– 公司地址證明
最後比多個小貼士比大家,如果有員工既話,可以承諾銀行職員幫襯買勞保或強積金等,除左可以提高申請機率外,亦證明左公司有業務運作,不妨考慮一下。