拖數,都算係大部分freelancer 自己友同startup公司所面對既問題。「有汗出無糧出」係極可恥,但往往有啲客就係要你一追再追先肯比。面對呢種咁既人,你又可以點出招應付呢?
第一式:預防勝於治療
所謂預防,就係係接生意前好好審視客人,睇下佢有無古怪。例如佢會唔會出異常高既價格比你,又或者突然換合作公司,咁你就要留意下喇!有可能係聲譽唔好先會轉公司,萬一心急應承完先發現佢拖數就太遲啦。
第二式:落訂
如果信唔過對方既話,可以先要求俾半數訂金先開工。如果對方有意合作的話,絕對唔會慳呢少少錢。相反,對方無論如何都唔肯俾訂既話,就要好好考慮應唔應該合作落去。
第三式:日夜施壓
如果不停發email同打電話追數,對方都係完全無意俾錢既話,咁你都可以唔洗俾面佢。除左搵機構幫手外,有啲人會選擇喺網絡公開事件,利用群眾壓力迫使對方找數。當然,未去到最後一步都唔好用呢招啦。
所謂人不要面,天下無敵。面對呢類拖數客,最重要係態度強硬,日夜施壓追數,直到佢肯找數先放過佢,咁先可以保障公司同自己既利益,唔洗再被人剝削。