有人話,一個人食飯係毒,聽完真係笑而不語。身為一個長期孤軍作戰既freelancer,自己一個食飯,嗰種自由奔放,想食咩就食咩既放鬆心情,對食物真正風味的掌握,其他人根本唔會明。所以今日,我會傳授幾個一人醫肚既技巧比大家,等各位可以完全投入一人食飯既極樂天地。
屋企長期買好速食配料
一個人煮個豐富午餐,真係可以5分鐘搞掂。只要屋企長期買定唔同既速食/急凍食品,餓起上黎煲水再放唔同配料,例如魚蛋,雲吞等,5分鐘就可以食好西!
外賣服務
而家坊間已經有唔少送上門服務,除左最出名既麥麥送或pizza之外,重有其他既熱門外賣apps,例如Deliveroo, Food Panda等等,只要係電話落單就即刻送到,係屋企unun腳等開飯不是夢!
去一人餐廳食飯
當然,你都可以做個真男人,出去食飯。除左頹飯吉野家同麥記之外,其實仲有大把選擇!
例如去出名既毒撚飯堂一蘭食拉麵,又或者去Magic Touch食迴轉壽司,再唔係去cafe chill下又得!唔洗日日食營多既,出去食飯當抖下氣,放鬆下自己都係個唔錯既選擇!
其實一個人食飯,都可以好精彩咖!好好享受你既一人飯局啦!