作為手停口停既自己友，每日工作忙到食無定時，連食餐住家飯都唔容易，煲湯直頭係自己友既奢侈活動。無靚湯滋補，連身體都差左。好彩而家市面上出左好多外賣湯水，比我呢類大忙人工作時都可以飲翻碗靚湯。
呢間外賣湯水店分別係柴灣同土瓜灣都有分店，推出超過50款既足料湯水，包括鮮奶花膠椰子紅棗煲雞，鮑魚瘦肉湯等，集合唔同有益食材煲成既湯，非常滋補。而且重有外賣送上門服務，無論再忙都可以飲到靚湯，重拾家的味道。
靚湯工房係較大型既湯水外賣店，送餐範圍遍佈港九新界。而且餐單豐富，除左各式各樣既食療老火湯外，重有埋各種午飯餐單選擇。只要上網或者打電話訂就得，非常方便。而且仲有代客煲湯既服務，想飲咩湯自己diy都無問題！
最方便購買既話，可以考慮下鴻福堂，大多數地鐵站都有一間。而佢亦有多款外賣湯包提供，例如鮑參翅肚燉竹笙湯，花膠響螺煲竹絲雞湯等，就算夜收工都可以經過買黎飲，非常方便。
其實平時飲多啲靚湯，個人身體都會好啲，忙碌既各位不妨考慮下以上湯品店，為自己既身體打打氣！
