每一年最頭痕既，就係要買過本新手帳記事，因為黎緊一年日日都會用到，所以無可避免會揀得特別肉緊，選擇困難症即刻出晒黎。市面上既手帳質素參差，有平有貴，你又應該點揀？日本而家最熱門既手帳就係hobonichi手帳（ほぼ日手帳），無論係封面設計，內頁設計，甚至係紙質，都深受用家愛戴！一齊黎睇下hobonichi既特色啦！
特別書套設計
Hobonichi書套有好多唔同既設計款式，從簡潔到花巧既設計都有，仲有唔少同其他牌子聯名設計既手帳，有啲要抽中先有得買，更加吸引唔少唔想同人撞款既人購買。例如TheBeatles聯名款，德國Steiff金耳扣泰迪熊聯名款等。
精細既內頁
HOBO手帳最吸引人的地方莫過於優秀的紙質，無論用各種的鋼筆、墨水、油性筆、水性筆去書寫，都唔會有墨水透底既情況出現。而且手帳有多層收納層，無論放幾多卡片或者合照都無問題！
方便易用
HOBO既手帳外型精細，而且小巧輕盈，帶出街非常方便！而且無論揭到邊頁都可以攤平寫，絕對唔會翹起，呢個亦係佢既賣點之一。
而要買到手既話，除左可以用EMS從日本訂返黎，誠品或Log On都有得賣，雖然標價好可能會貴啲。如果經過日本，普普通通既LOFT都有售，快啲入手返本啦！
