一本手帳大概只可以用一年,感覺都幾可惜,一直裝飾得美美既手帳,到新一年就報廢。所以日本推出左一款俾你用足一世既手帳:JIBUN TECHO(自分手帳),意思為屬於自己人生既手帳!一齊黎睇下呢本一生手帳有咩特色!
特別欄目
Jibun手帳有唔少一般手帳無既欄目。例如人生夢想,100願望單,名言警句,人生計劃,紀念日等等,將你既人生大小事同長遠計劃都記錄低。咁你既人生就唔會偏離左原來既軌道,亦可以警惕自己切勿疏懶,要繼續邁向人生目標。
記低細微資料
除左人生目標,日常瑣事亦可以記低。內頁重有密碼欄,緊急聯絡人清單,理財,甚至就醫記錄等,可以比你記低生活上既大小事,只要一打開手帳就可以搵齊資料,非常方便。
自由度高
除左年計劃,月計劃呢啲基本野,佢亦預留左適量既空白位比你自由發揮。你可以自行記底事件,或者貼上唔同相片,做成小專欄又得。而且佢既紙質非常高質,就算用墨水筆寫寫畫畫都唔會有透底既情況。
快啲入手翻一本人生手帳,好好計劃下自己既未來啦!