香港人長期都年初四咁既樣，唔多唔少都因為訓得差，作息差，搞到日日好似得返半條命咁，行出街都嚇死幾件。其實只要日常生活作出小改變，幾個鍾頭已經夠你訓得又夠又飽。一齊黎睇下有咩招式啦！
放低電話
瞓前碌手機係瞓覺大忌黎！手機或者電腦既藍光會一直刺激腦部，令你越睇就越精神，而且睇完後腦部都有一段時間處於興奮狀態，結果難以入睡。所以放低手機先可以擁有優質睡眠。
瞓前一杯熱牛奶
牛奶有寧神鎮靜既作用，有助消除緊張情緒，令你瞓得更舒適，絕對係入眠補品。
食香蕉
肚餓都會令你無法入睡，但瞓前食宵夜又真係太邪惡，最後餓住個肚瞓都幾難瞓得好。呢個時候可以考慮食返碌蕉，飽肚又低卡。
聽住音樂訓
睡前播放柔和既音樂，可以有助你既身體放鬆，慢慢進入夢鄉。
「腹式呼吸法」
利用腹部及橫隔膜協助呼吸，可以有效改善呼吸節奏，令你全身更快放鬆入睡。而步驟非常簡單，只要深呼吸4秒，然後屏氣7秒，後用慢慢呼氣8秒，接著重覆深呼吸，重覆幾次，就會開始有睡意。
用過以上五招後，你就可以瞓得好啲，做起事上黎都事倍功半啦！
