唔少自己友對於應唔應該開公司都覺得好苦惱，有人可能唔明點解要俾錢開，有人又驚手續好麻煩就遲遲唔開。今日，我就帶大家探討下，freelancer自己友到底開唔開公司好呢個千古難題。
視乎工種／發展潛力
如果你既工作係好有發展潛力（aka個規模有機會做大）既話，我會建議你俾小小錢開間公司先。一黎，你可以優先拎定自己個公司名，唔洗驚上軌道之後個名俾人用左。二黎，公司名義的確可以俾到客戶或合作對象信心，令佢地更加放心同你合作。
按工作發展程度開
如果係startup類既小公司，我會建議你試試開獨資或合夥既無限公司。佢既手續簡單易辦，而且價錢都會相對平啲。不過記得，無限公司既風險都較大，一旦有赤字／紛爭，都會直接算到你頭上，無得用公司名義頂㗎。
如果要開有限公司，通常都係工作上左軌道或有一定收入，仲要搵到股東同董事，秘書等人，手續較為繁瑣，不過同其他公司合作起黎就更有保障！
資金是否充裕
如果經營小本既網上生意或短期生意，收入唔算多既話，我會建議你先慢慢發展，等待時機成熟再考慮開公司。始終開公司都要一筆錢，如果無足夠收入或資金，就唔好咁心急住啦！
作為一個freelancer,開公司之前記得計下資金同估計翻自己生意既發展潛力先，再分析自己現時需要開公司未，咁先係工作良策呀！
