其實home office成日留係屋企做野,間唔中都會腦閉塞,呢個時候最好搵個relax既地方,一邊食cake一邊歎住咖啡咁做野。其實香港都唔少平價靜局既cafe好適合工作㗎,今日就介紹幾間比大家啦!
Desk-one溫室
Desk-one位於銅鑼灣,非常適合想靜心工作既朋友。除左基本座位外,佢重會提供private room比客人用作會議。而店舖光線充足,色調柔和,令人可以放鬆心情咁工作。其間仲會提供花茶,咖啡同小食,絕對係工作既好地方。費用大約$20 – $138 (視乎時間而定)。
Desk-one溫室:https://www.desk-one.hk/
CoCo Espresso701
CoCo Espresso701 係喺工廈經營既咖啡概念店,主打比客人係咖啡店內搵到寧靜既一角。咖啡店非常寬敞,座位亦間得比較疏,確保每個客人都可以有自己空間。而且店內售賣各式各樣既食物,除左精品咖啡之外,仲有bagel,煙三文魚,蛋糕等食物,務求令客人可以一邊靜心工作,一邊享受美食。
Com n’ sense
Com n’ sense位於觀塘工廈,係典型既慢活文青cafe。整個空間以木製傢俬為主,感覺非常大自然。而且店舖亦售賣精品咖啡同多款小食,同時仲放展唔少手作精品比客人欣賞同購買。係呢種放鬆既環境工作,做起事上黎都事倍功半。
Com n’ sense:https://www.comn-sense.com/zt/
係呢種慢活咖啡室工作,真係好適合我地呢種可以自由選擇工作地點既自己友!有興趣既不妨去試下啦!