《稅務篇:六樣開無限/有限公司必須知道既事》
政府喺2020財政預算案宣布,寬減2020/2021年度商業登記費。即日起至2021年3月21號,辦理首年商業登記嘅費用由原價$2,250大幅減至$250。各位自己友如果想趁呢個機會開無限公司,就有以下幾點要留意啦!
一般準則
根據《商業登記條例》(第 310章),為了圖利而從事的任何形式的生意、商務、工藝、專業、職業或其他活動都要喺開始經營日期後一個月內開無限公司。公司平時既運作收入(例賣貨收入),通常都被視作業務收入而要俾稅! 賣固定又或者係資本性質資產就算係資本性質收入,唔洗俾稅。
有限公司vs無限公司
根據利得稅嘅兩級制稅率,有限公司既頭200萬利潤,就要交8.25%稅,打後就要交16.5%稅。而無限公司,頭200萬就交7.5%稅,之後就要交15%稅。
小心漏稅
如果你在沒有任何僱傭關係下買賣貨品賺錢,就如似自己搞網店,亦屬自僱人士。所以記得要補交翻利得稅呀!
公司定個人入息交稅?
有人會問,個人入息比稅有無得減稅。但係累進稅率的最高邊際稅率(17%)較標準稅率(無限公司:15%)為高,所以高人工揀個人入息交稅有可能會俾仲多!一定自己要計一下哦!
點計利得稅
好簡單!只要將一年賺取的收入,扣埋同公司有關的支出之後,以再用標準稅率(15%)黎計就得啦。
記得交報稅表
創業自己友記得交返張報稅表、計稅表及財務報表俾稅局呀,最重要係留返哂所有銀行月結單、支出單等等,因為你唔知稅局幾時會問你拎黎過目咖!如果你無收到稅務局發出的報稅表,記得書面通知返稅務局,唔係就當你逃稅就大獲啦!
希望以上既6個小知識可以幫到各位自己友啦!