現時開網店創業既人多不勝數，網購本身都已經成為主流。而通常店主最煩惱既，就係送貨問題啦。要揀一間抵用又質素好既物流公司，先可以為自己慳返啲送貨支出，賺到最多既錢。所以今日就帶大家比較下坊間最熱門既三間送貨公司，睇下邊間最抵玩！
Lalamove
Lalamove出名收費低，價格平，深受一眾小本網店公司歡迎。佢係24小時接單，你只需要下載佢既官方apps，註冊好之後就搵司機報價，再落單俾錢就搞掂。而收費方面，速遞送上門的話，最低消費$52起，而細車送貨就大約$50起，重型貨車就$130起，收費算係非常合理。
順豐快遞
順豐既方便同可信度，我諗唔洗我多講。除左價錢會高少許之外，佢既運輸服務可謂非常全面。除左基本既送貨服務外，佢既自取服務亦都方便一眾買家，畢竟好多人要放工後先可以拎貨，如果深夜時份先放工既話，佢既順便智能櫃服務就fit哂啦，買家24個鍾都可以隨時拎貨！而收費方面，基本快件都要$20-$30起跳，算係比其他公司高少少。
Pickupp
Pickupp係近年新冒起既送貨公司，主打落單後四小時就可以送到件去目的地，聽落又真係幾吸引。而服務方面，佢亦會提供貨到付款、回單、實時追蹤服務，同時亦可以寄到711，收件人落便利店拎就得。價錢方面，按距離收費20kg以內最低$32。無需工商附加費，算係非常伐算。
咁多位創業既朋友，希望以上既大比拼，你可以揀到幫你慳最多既物流公司啦！
