做freelancer既好處，就係可以隨時隨地去tea一tea，唔洗係lunch時間同人迫同捱貴飯。而下午茶餐又平又正，唔食就真係走寶啦！今日就等我介紹幾間平靚正既快餐店比自己友啦！
大快活
出名平靚正既阿活，佢既下午茶2:00就有啦，而且款式多，價錢都只係30蚊左右就有交易，絕對係食tea首選！佢所推出既精選茶餐一直大受歡迎，奶醬多加大香腸再配埋雪菜米同餐飲，都唔洗＄30！絕對係各位窮j既首選！
太興
小編一直都係太興打手黎，因為佢啲野食真係超級好食！雖然價錢相對上高啲，大概40-60蚊左右，但佢既質素相當高。例如佢既手打牛丸米線就係近期小編最愛，啲牛丸爽脆多汁，兼超香濃既牛味，食完絕對翻唔到轉頭！
kfc
kfc推出左好耐既滋味盒一直深受大眾歡迎，最平既滋味盒只要＄24就有交易！而且款式繁多，無論你想食炸雞，定想食葡撻，通通都有包含哂係入面，任君選擇！鍾意食tea既朋友記得唔好錯過啦！
講到呢度，小編已經流哂口水啦！落去tea一tea頂下癮先！
