黎緊復活節，自己友們終於恨到身邊啲朋友仔放假，可以約埋班fd狂歡下啦！今年香港一樣有唔少復活節活動比大家，一齊黎參考下復活節有咩搞作啦！
長洲市集
趁住復活節呢段長假，長洲市集又再開啦！你可以係呢度搵到各式各樣既手工藝品，包括手鍊，飾品，玻璃擺設、首飾、餐具及衣飾等本地手工，重有自家設計的人像產品、復古布袋、扎染手工製品。除了買野之外，市集仲有各式各樣既攤位遊戲，例如射籃球、釣魚池、波波池等，可以同小朋友共渡天輪之樂，鍾意行特色市集既自己友千其唔好錯過！
日期：2019年4月5-7號 & 12-13號 & 19-22號 (早午12時 – 晚上6時)
地址：長洲東灣路4號
樂富廣場大型戶外運動會
樂富廣場又有新搞作啦！已經開始左既「Oh！林匹克運動會」設有唔同既活動同項目比大家挑戰自己，包括「Oh！Shoot 投籃王」、「Oh！My Body 訓練站」、「Oh！My Legs 單車賽」、「Oh！Snap 繩網陣」、「Oh！Clap 摩打手」及 「Oh！Step Up 極速跑」，只要完成到指定目標就可以得到唔同既獎品，有興趣既自己友可以去挑戰下！
日期：2019年3月24日至4月22日
地點：樂富廣場
Ryze 彈床樂園
復活節有時帶住個小朋友出街都會幾頭痕，事關小朋友好似有無限精力咁郁黎郁去！而位於鰂魚涌既Ryze彈床樂園就是一個大人同小朋友既天堂啦！Ryze彈床樂園佔地1萬8千平方尺，而且四周舖滿彈床，無論大人定細路都可以感受下玩吹氣彈床同波波池既童年感覺，過個瘋狂愉快既週末！
重諗？快啲約埋三五知己過個happy復活節啦！
