咁多位自己友，平時食頹飯都食到厭，有時都想一個人食餐好啲，例如打下邊爐滿足下。但一個人打邊爐，去邊打先唔會俾人覺得毒呢？今日就介紹三間提供一人火鍋既餐廳比大家，等各位隨時都可以過下邊爐癮！
101手工小火鍋
101出名好食夾大件，佢既火鍋直頭足料又夠味，例如麻辣三杯雞、卜卜蜆、番茄湯底等，每種火鍋都有大量配菜，粉麵同飲品送，埋單最平$39就走到，簡直係經濟實惠既不二之選！
地址：西灣河筲箕灣道108號6號地舖
一鍋瘋粥底火鍋專門店
粥底火鍋黎講，一鍋瘋應該擁有最多口味既粥水比大家揀！椰子粥水，用上新鮮海底椰、椰子肉熬成，味道清甜，引出肉類配料鮮味；橙紅色既甘荀粥水，額外加入甘甜南瓜吊味，專為海鮮而設；紫薯泥粥水，去掉了薯泥厚重的澱粉感，卻保留了花青素等多種抗氧化元素。而且係一人火鍋既形式，一個人食就fit哂！
地址：旺角通菜街1號威達商業大廈地下N舖
船渦
怕會同人搭檯既朋友，一定要黎呢間船渦，餐廳設有一人座間隔，一個人去食都唔會尷尬！
除了主打3款海鮮套餐之外，仲有安格斯牛肉、雞腿肉、豬腩片和各種手打丸類提供選擇，包你食到大滿足為止呀!
地點：銅鑼灣謝斐道 500 號維安商業大廈 3 樓
睇完都想整返個一人邊爐打下，慰勞下自己先得！
