無論全職定兼職freelance, 自由身呢種工作形態係全球黎講都越黎越熱門,每個人都希望用自己既專有技能搵食。但自己一個面對客人,少不免全遇到啲搵笨job。今日就教大家點樣保護自己,避開求職陷阱!
一定要簽約/有單據
接job之前,記得唔好比巨額人工或者友情牌呃到,如果恃熟賣熟想你落搭幫手果啲都要小心。畢竟一扯到工作同利益,條界就要分清楚,一定要對方提供白紙黑字合約、單據,甚至連WhatsApp都保留,以免日後出現咩走數情況。如果行得正企得正,正常都會應承呢個條件。
拖糧
一個freelance最怕既事,就係比人拖尾數。所以一字既曰,先收錢就後交貨,一日未比錢,都要係設計圖加爆水印,又或者留翻關鍵既一part唔好做住。事關如果要去區域法院追討,就要請律師,真係又花錢又花時間,得不償失。
合作條件必須清晰
寫電腦程式既,會包幾多次跟進服務?更新程式又有無額外錢比返?畫一幅插圖,可以改多少次?改一次又收幾錢?教授一個樂器班,額外支出係咪由顧主支付?呢啲灰色地帶往往令freelance有可能蝕底,所以聘用資料同詳情一定要完全清楚先好開始做野,咁先對自己有保障。
小編都係度祝福各位freelance可以搵到適合既job,唔洗俾人壓榨,super!