作為一個新手freelancer,最頭痕既就係唔知點報價好,始終價錢,工作項目等既項目都無一定既報價標準,而且重要顧及埋有修改或者加工作量又要點計,全部都可以話係經驗之談。所以今日就帶幾個報價小技巧比大家,以後接job就唔洗咁頭痕!
留意招聘廣告
得閑就可以上招聘網站,搜集下一啲同自己job duty相似既職位,再分析唔同公司既薪金從而用平均月薪計翻自己既時薪。例如出面兼職教琴有$200/hr,你接相關freelance就可以收翻咁上下人工。
向行家請教
最方便又快捷既方法,當然係直接向freelance朋友請教下啦,你可以問下市場上大概既收費標準,又或者點樣逐項報價咁,慢慢你就可以學識自己報價。當然注意唔好直接問人人工啦,會比人感覺唔禮貌。
使用Freelance估價App
市面上其實已經有一啲俾Freelancer用既估價Apps,例如hello toby都可以估價,不過計出來嘅數字只能參考,始終唔同經驗同年資既freelance,人工都會有一定調整。
測試你的報價
基本上你估完價之後,不妨當拎翻啲實戰經驗,直接去freelance平台報價搵客,慢慢就自己然知道點既價錢同workload先成正比。
報價係一門學問,同時都係經驗之談,越浸得耐就越知自己應該收咩價,各位新手慢慢浸下就自然而然學識㗎啦!