自由工作者,雖然話就話可以自由控制工作時間,但要做一個自律既freelancer,同要一個窮人想食麥記加大一樣,都係一件唔容易既事。要搣得你啲隋性,方法只有一個。
就係千祈唔好做以下既事項!
千祈唔好學: 拖延症末期
所謂明日復明日,明日捱營多。每日將要做既事一拖再拖,只會令自己往後更加忙同辛苦。最有效對抗拖延症既方法,就係利用唔同既工具幫助自己,例如蕃茄工作法等等,迫自己先工作後玩樂,將工作困難轉化為滿足感。
千祈唔好做:零規劃
日程規劃的意義在於可以慳翻唔少腦力去諗要做咩,規定的時間做規定的事,否則又會浪費唔少時間諗要做咩,然後陷入一片混亂。反之,將每天的任務安排的井井有條,可以避免漏掉做的事,重可以清楚知道同總結全日既收穫,化成第二日工作既動力。
千祈唔好接:無熱情既工作
Freelancer通常都有自己最擅長既一門技能。如果可以透過工作不斷增加技能既深度同廣度,令自己可以係某一個領域內發揮所長,呢種成就感、滿足感和舉足輕重的話語權會大大提高你的工作熱情,是自由工作者保證自己工作激情既最好方式。如果有啲job,雖然睇落有錢,但如果係自己唔擅長,或者唔鍾意,又或者對自己的專長同專業發展毫無幫助,就要認真諗清楚接定唔接喇。
只要唔好做以上三件事,就可以提高工作效率,有效消除拖延症!