做野無零食點得呀?但係越食就越怕肥,唔食又口痕痕,唔通真係無低卡又好味既零食?放心,梗係有啦!快啲睇埋落去有咩食極唔肥既零食啦!
蒟蒻
好似jelly一樣Q彈既蒟蒻,本身含豐富既膳食纖維,可促進腸胃蠕動、增加飽足感,集低卡、好味、飽肚於一身。不過揀選既時候要小心,糖粉太高既就可能會越食越肥啦。
原味爆谷
成日聽人講爆谷好肥,其實唔係,只係落左焦糖或其他調味既爆谷,先會大大增加卡路里。其實一小包原味爆谷,熱量大約都係150卡左右,如果怕寡既話,可以落少少鹽調味。
無鹽堅果
果仁含有豐富既蛋白質、脂肪及纖維,除左令你有飽肚感外,仲有助消耗熱量。食用無添加鹽或糖既果仁,會更加健康,越食越瘦也不是夢!
栗子
100克重既天津甘栗只有不足1克脂肪,食再多都唔怕會增肥。不過佢含有大量碳水化合物,訓前就唔好食咁多啦。
有時做野都要有啲零食慰勞下自己既,咁先會有心機做野嫁嘛!