香港終於開激安之殿堂啦,以後掃平貨唔洗飛日本!聽日(星期五)開幕嘅激安之殿堂,位於尖沙咀美麗華商場2期B1層,沿用日本店的24小時營業模式營運,內部設計同日本激安殿堂一模一樣,門口仲擺放左吉祥物Donpen公仔,唔講以為翻左日本!
記得去之前,要先下載Donki apps,只要搵到魚蛋太郎同Donpen嘅QR code,就可以免費換領一隻Donpen公仔,名額30個,先到先得!
除此之外,店內仲設有健康及美容產品區,零食區,家電區,雜貨區、美食廣場等,連成人玩具區都有。而熟食類仲包括壽司及海鮮刺身部門、肉類部門、熟食部門和立食部門等,自己一個食飯都可以黎呢度買,一應俱全。
除左貨品齊全外,收錢設備亦非常充足。全店設有39個收銀櫃,共佔全層三份一,避免排隊潮出現。而店舖仲打算請200人營運,規模非常之大,無工開嘅自己友買完嘢不妨去見埋工都得!